Per te qene sa me objektive, po japim edhe intervisten e gruas se Enver Hoxhes me Janusz Bugajskin ne televizion privat (Taci Oil). Nexhmije Hoxha eshte njekohesisht edhe kundershtare e flakte me nusen e djalit te saj Liliana Hoxhen, intervisten e se ciles e vendosem ne faqen tone para pak ditesh.
Intervista u transmetua me 23. mars 2012
Po lexoj nje liber per zhvillimin e ngjarjeve ne vende te ndryshme komuniste dhe papritur u befasova me ngjashmerine e tyre me Shqiperine e diteve te sotme. Lexues te dashur lexojeni tekstin e meposhtem dhe shikoni nese edhe ju e shihni ngjashmerine. Emrin e liderit te madh, zevendesuesit te tij dhe ministrave te tjere po jua le ti gjeni ju. Besoj se nuk eshte shume e veshtire……
Të gjitha Revolucionet Komuniste pasohen nga nje pushtet i pamëshirshem, dhe ky pushtet zhvillohet zakonisht ne kete menyre:
1) Pas cdo revolucioni, nje lider ka pushtet te pakufishem dhe vendos i vetem per gjithcka, por ai duhet gjithashtu të ngreje udhëheqës (ministra) të tjere te rangut te ulet ne pozicione te larta për ta ndihmuar atë ne qeverisje. Secili nga këta ministra fillon te beje lobim për më shumë pushtet dhe në të njëjtën kohë puneson ne pozicione kyce njerezit e tij besnikë. Ne kete menyre ai mund te mbrohet nga sulmet e ministrave te tjere dhe ne te njejten kohe ai mbron njerezit e tij nga ministrat e tjere qe duan te shtrijne ndikimin e tyre ne zonen e tij.
2) Me kalimin e kohes lideri i madh fillon te plaket. Grupet e ndryshme qe ndodhen poshte tij fillojne te manovrojne per tu pozicionuar sa me afer me personin qe ata mendojne qe do te zevendesoje liderin e madh. Heret a vone del ne skene nje zevendesues i liderit te madh (zakonisht i zgjedhur prej tij). Shpesh ai eshte nje lake i liderit te madh dhe nuk gezon respektin e ministrave te tjere.
3) Te gjithe ministrat bejne plane per të patur sa me shume pushtet kur te vije momenti i duhur. Ky moment ndodh kur lideri i madh terhiqet ose vdes dhe lideri i ri vjen ne pushtet. Ky i fundit fillon menjehere spastrimet dhe ndeshkimet ndaj kundershtareve te tij te rinj e te vjeter, dhe procesi fillon perseri nga e para.
4) Ne nje moment te mevonshem kohor, ministrat konkurrente (qe sic u permend me lart nuk kane respekt per liderin e ri), fillojne te bashkepunojne me njeri-tjetrin dhe vendosin ta rrezojne ate, dhe me pas te formojne nje Byro Politike dhe ne kete menyre te ndajne pushtetin midis tyre. Perseri emerohet nje kryetar i Byrose Politike, por tani ai luan vetem rolin e nje faktori stabilizues ne ndarjen e pushtetit midis ministrave konkurrente. Eshte e lehte te dallosh kur nje sistem eshte i drejtuar nga nje Byro Politike, sepse drejtuesi i saj eshte vetem nje figurant, ndersa pushtetin e kane te tjeret.
Per lexuesit qe nuk munden ta shohin intervisten e Liljana Hoxhes me gazetarin Alfred Peza me 13. prill 2012 ne televizionin Vizion Plus.
Nusja e djalit të Enver Hoxhës, në një rrëfim ekskluziv:
- Për librin e saj të ri: “Pushtimi i Brendshëm”.
- Të pathënat e diktatorit komunist në 27 vjetorin e vdekjes.
- Dy tentativat e saj të patreguara më parë, për vetëvrasje.
- Mendimi i saj per Nexhmije Hoxhën.
- Të vërtetën e fotografive të Sali Berishës me familjen e saj në Drilon.
- Përse eshte e gatshme te dalë dëshmitare vullnetare në gjyqin për librin e koheve te fundit te Blendi Fevziut per Enver Hoxhen.
- Ku fshihen origjinalet e ditareve personale të Enver Hoxhës.
- 10 fakte te panjohura nga jeta e saj.
Shikim te kendshem
Po jap te perkthyer nje artkull te F. William Engdahl, botuar pak dite me pare ne faqen serioze “Global Research“. Artikulli eshte paksa i politizuar dhe e nxjerr ne drite te keqe politiken kosovare. Megjithate artikulli nxjerr ne drite edhe disa fakte te reja qe besoj se do te jene me interes per lexuesin. Nuk po zgjatem shume dhe po e le lexuesin ta lexoje dhe ta gjykoje vete artikullin.
http://www.globalresearch.ca/index.php?context=va&aid=30262
Strategjia e cuditshme e Uashingtonit ne Kosove mund ta shkatërrojë NATO-n
Ne nje nga deklaratat me te cuditshme per politiken e jashtme te nje administrate njelloj te çuditshme te Obames, sekretarja amerikane e shtetit Hillary Klinton ka njoftuar se Uashingtoni do ta ndihmoje Kosovën për t’u futur ne NATO dhe Bashkimin Evropian. Ajo e beri kete deklarate pas nje takimi te kohëve te fundit me kryeministrin e Kosoves Hashim Thaçi ne Uashington, ku ajo gjithashtu vlerësoi progresin e qeverisë Thaçi ne “integrimin Europian dhe zhvillimin e saj ekonomik.”
Njoftimi i saj pa dyshim ka shkaktuar shqetesim ne mes te zyrtareve te larte politike dhe ushtarake te vendeve te ndryshme evropiane qe jane pjesetare te NATO-s. Jane te pakte ata qe e vlerësojnë planin e Klinton për te futur Kosovën ne NATO dhe Bashkimin Evropian.
Kushtet gjeopolitike ne Kosove
Pjesa e perfolur e territorit qe sot mban emrin Kosove, ishte pjesë e Jugosllavisë dhe e lidhur me Serbinë deri ne fillimin e fushates bombarduese te NATO-s në vitin 1999, qe shkatërroi atë që kishte mbetur nga Serbia e Millosheviçit dhe i hapi rrugën Shteteve te Bashkuara te Amerikes,si dhe me asistencen e dyshimte të vendeve të BE, e mbi të gjitha Gjermanise, të coptoje ish-Jugosllavinë në pseudo-shtete te vogla jo te pavarura. Kosova ishte nje nga keto shtete, ashtu si edhe Maqedonia. Sllovenia dhe Kroacia, me një mbeshtetje të fortë nga ana e Ministrisë së Jashtme GJermane, ishin ndarë më herët nga Jugosllavia.
Nje përmbledhje e shkurtër e rrethanave që çoi në shkëputjen e Kosovës nga Jugosllavia do të na ndihmonte per të parashikuar se sa i rrezikshem mund te behet një anëtarësim në NATO ose në BE për të ardhmen e Evropës. Supozohet se Hashim Thaçi kryeministri aktual i Kosovës, e fitoi postin e tij me ndihmen e Departamentit Amerikan të Shtetit dhe jo nëpërmjet zgjedhjeve të lira e demokratike ne Kosovë. Kosova nuk njihet si shtet legjitim as nga Rusia e as nga Serbia, apo edhe nga mbi njëqind vende të tjera te botes. Megjithatë, ajo u njoh menjëherë nga administrata e Bushit dhe nga Berlini kur ajo shpalli pavarësinë në vitin 2008.
Anëtarësimi i Kosoves në BE, do të ishte njelloj sikur ti uroje mireseardhjen një shteti tjeter të dështuar, diçka që mbase nuk e shqeteson sekretaren amerikane Klinton, por BE-ja në këto rrethana qe gjendet tani, mund te beje edhe pa te. Te dhenat e fundit raportojne se papunësia ne kete vend eshte ne më shumë se 60 %. Kjo nuk mund te krahasohet as med nivelin e vendeve te Botës së Tretë. Per nga zhvillimi ekonomik, Kosova ishte gjithmonë me e varfra në Jugosllavi dhe ne ditet e sotme ajo është edhe me keq. Megjithatë, çështja e vërtetë në lidhje me të ardhmen e paqes dhe sigurise ne BE, është natyra e shtetit të Kosovës që u krijua nga Uashingtoni ne fundin e vitit 1990.
Shteti Mafioz dhe Kampi Bondsteel
Kosova është një territor i vogël toke në një nga zonat më strategjike në të gjithë Evropën per nga pikëpamja gjeopolitike e objektivave ushtarake amerikane per të kontrolluar transportin e naftës dhe zhvillimet politike prej vendeve te pasura me nafte te Lindjes se Mesme në Rusi dhe në Evropën Perëndimore. Njohja aktuale e vetë-deklaruar e Republikës së Kosovës e udhëhequr nga SHBA, është vazhdim i politikës amerikane për Ballkanin që filloi me bombardimin e paligjshem te Serbisë të drejtuar nga NATO ne vitin 1999 dhe i pamiratuar nga Këshilli i Sigurimit te OKB, gjoja nën premisën se ushtria e Milloshevicit ishte në prag të kryerjes së një masakre genocidi te shqiptarëve të Kosovës.
Disa muaj para bombardimeve te objekteve serbe të drejtuara nga SHBA, një nga bombardimet me të rënda që prej Luftës së Dytë Botërore, një zyrtar i lartë i zbulimit amerikan, në nje bisedë private me nje oficer te larte te ushtrisë kroate në Zagreb, i tregoi ketij te fundit per strategjinë e Uashingtonit ne lidhje me ish-Jugosllavinë. Sipas këtij fjaleve te ketij zyrtari, komunikuar me pas privatisht autorit te ketij shkrimi, qëllimi i Pentagonit qe prej fundit të vitit 1998 ishte qe te merte kontrollin e Kosovës në mënyrë që të siguronte një bazë ushtarake dhe ne kete menyre te kontrolloje të gjithë rajonin juglindor te Evropes, si dhe vendet naftembajtese te Lindjes se Mesme.
Që nga qershori i 1999, kur NATO Kosovo Force (KFOR) pushtoi Kosovën, atëherë një pjesë e integruar ne ish-Jugosllavine e atehershme, Kosova ishte teknikisht nën mandatin e Kombeve të Bashkuara, bazuar ne Rezoluten 1244 te Këshillit te Sigurimit. Rusia dhe Kina ranë dakord gjithashtu me atë mandat, i cili përcakton rolin e KFOR-it si nje rol per të siguruar fundin e luftimeve ndër-etnike dhe krimet ndërmjet popullsisë së pakicës serbe, të tjerëve dhe shumicës shqiptare myslimane të Kosovës. Nën Rezolutën 1244 Kosova do të mbetej pjesë e Serbisë në pritje të një zgjidhje paqësore të statusit të saj. Kjo rezolute e OKB u injorua fare hapur nga SHBA, Gjermania dhe vendet e tjera te BE në vitin 2008.
Njohja e shpejtë e pavarësisë së Kosovës prej Gjermanisë dhe Uashingtonit në shkurt të vitit 2008, pa dyshim, erdhi vetem pak ditë pas zgjedhjeve për president në Serbi ku u konfirmua se Boris Tadiç, i njohur si pro-Washingtonit, kishte fituar një mandat të dytë 4-vjeçar. Me sigurimin e ketij mandati te dyte nga ana e Tadiç, Uashingtoni siguroi mbeshtetjen serbe në përputhje me qendrimin e tij për Kosovën.
Menjëherë pas bombardimit të Serbisë në vitin 1999 Pentagoni konfiskoi një pjese te madhe toke rreth 4000 km2 ne Uresevic te Kosovës, afer kufirit me Maqedonine, dhe i dha një kontratë firmes amerikane Halliburton kur Dick Cheney (me pas Zv.presidenti ne qeverine e George W. Bush) ishte kryetar i bordit drejtues te saj, për të ndërtuar një nga bazat me te medha te ushtrise amerikane ne bote te quajtur Camp Bondsteel, e cila sot strehon më shumë se 7000 trupa ushtarake.
Tashme Pentagoni ka siguruar edhe shtatë baza të reja ushtarake në Bullgari dhe Rumani afer Detit te Zi në Ballkanin verior, duke përfshirë Ignatievo Graf dhe bazen ajrore Bezmer në Bullgari dhe bazen ajrore Mihail Kogalniceanu në Rumani, të cilat përdoren për operacionet ushtarake te nivelit te poshtem në Afganistan dhe Irak. Instalimi rumun strehon forcat e perbashketa Force-East të Pentagonit. Kampi kolosal i SHBA-së Bondsteel në Kosovë, si dhe përdorimi dhe përmirësimi I porteve kroate dhe malazeze ne Adriatik plotesojne kushtet per militarizimin e plote te Ballkanit nga ana e Flotes Detare Amerikane.
Axhenda strategjike e SHBA për Kosovën është kryesisht ushtarake, dhe së dyti me sa duket, per trafikimin e narkotikëve. Fokusi i saj kryesor është drejtuar kundër Rusisë, si dhe për kontrollin e transportit të naftës prej Detit Kaspik dhe Lindjes se Mesme per në Evropën Perëndimore. Duke deklaruar pavarësinë e Kosoves, Uashingtoni fiton një shtet të dobët që mund ta kontrollojë plotësisht. Për sa kohë që ajo ishte pjesë e Serbisë, kontrolli ushtarak i NATO-s do të ishte politikisht i pasigurt. Sot Kosova është kthyer ne një vasal ushtarak i NATO-s, dhe KFOR-i ka rreth 16,000 trupa ne nje vend ku jeton një popullsi e vogël prej 2 milionë banoresh. Kampi Bondsteel eshte nja nga bazat operative ushtarake qe mundt te perdoret per nderhyrje ushtarake në lindje dhe në jug. Tani me futjen zyrtare te Kosovës në BE dhe NATO, do të krijohet mundesia qe NATO te forcoje atë bazë te fuqishme ushtarake, sidomos duke marre parasysh deshtimin e Sakashvilit te Republike se Gjeorgjisë i cili dështoi aq keq në vitin 2008 për të permbushur këtë rol të NATO-s.
Korridori i transportit te naftes
Kontrolli ushtarak SHBA-NATO i Kosovës i shërben nje axhende me te madhe gjeo-politike te Uashingtonit. Së pari, ai mundëson kontroll më të madh amerikan mbi rruget e kalimit te naftës dhe tubacioneve të gazit per në BE nga deti Kaspik dhe Lindja e Mesme, si dhe kontrollin e korridoreve të transportit që lidhin BE me Detin e Zi.
Ajo gjithashtu mbron tregtinë miliarda-dollarëshe te heroinës, e cila sipas zyrtarëve të OKB-së per lëndët narkotike, është rritur me ritme teper te larta në Afganistan, që prej pushtimit amerikan. Kosova dhe Shqipëria janë rrugët kryesore tranzit të heroinës per në Evropë. Sipas një raporti vjetor të vitit 2008 te Departamentit të Shtetit ne SHBA mbi trafikun ndërkombëtar të narkotikëve, shume prej rrugve kryesore të trafikimit të drogës kalojnë nëpër Ballkan. Kosova përmendet si një pikë kyçe për transferimin e heroinës nga Turqia dhe Afganistani në Evropën Perëndimore. Kjo droge kalon nën syrin vigjilent të qeverisë Thaçi.
Që prej marrëdhënieve te saj me fiset Meo në Laos gjatë kohës së luftes se Vietnamit, CIA ka mbrojtur trafikun e droges në vendet kyçe te saj, në mënyrë që të financojë operacionet e saj të fshehta. Shkalla e trafikut ndërkombëtar të narkotikëve sot është aq e madhe sa që banka të mëdha amerikane si Citigroup mendohet të nxjerrin një pjesë të konsiderueshme të fitimeve të tyre nga pastrimi i parave te droges.
Një nga karakteristikat me te spikatura per nxitimin e dukshëm nga ana e Uashingtonit dhe shteteve të tjera per te njohur menjëherë pavarësinë e Kosovës, është fakti se ata e dinin se qeveria e saj (Kosoves) si dhe dy partitë kryesore politike Kosovare faktikisht drejtoheshin nga krimi i organizuar shqiptar I Kosoves.
Hashim Thaçi, kryeministri i Kosovës dhe kreu i Partisë Demokratike të Kosovës, është ish-udhëheqësi i organizatës terroriste që SHBA dhe NATO kane trajnuar dhe qe u quajt Ushtria Çlirimtare e Kosovës (UÇK). Në qarqet kriminale të Kosovës ai është i njohur si Hashim “Gjarperi” qe simbolizon pameshirshmerine e tij personale kunder kundërshtarëve te tij.
Në vitin 1997, i derguari special i presidentit Klinton për Ballkanin, Robert Gelbard e përshkroi UÇK-ne si “pa asnjë dyshim një grup terrorist.” Ne te vertete ajo ishte shumë më tepër. Ajo ishte një organizate mafioze organizuar ne forme klanesh, pra e pamundur per tu depertuar, e cila kontrollon ekonominë e zezë te Kosovës. Sot Partia Demokratike e Thaçit, sipas burimeve të policisë evropiane, vazhdon ti ruaje lidhjet e saj me krimin e organizuar.
Ne një raport gjerman i BND (Agjensi gjermane e njejte me CIA ne SHBA) i 22 shkurtit 2005, i cilesuar Top Sekret, por qe me pas ka rrjedhur ne media, shkruhej se “Nëpërmjet figurave kryesore si për shembull Thaçi, Haliti, Haradinaj, ekziston nje lidhje e ngushte midis politikës, ekonomisë dhe krimit të organizuar ndërkombëtar në Kosovë. Organizatat kriminale qe qendrojne në sfond pengojne stabilitetin politik. Ato nuk kanë asnjë interes per ndërtimin e një shteti funksional të rregullt që mund të behet i dëmshem për biznesin e tyre shume fitimprures “.
UÇK-ja filloi veprimtarine e saj në vitin 1996, ne te njejten kohe me bombardimin e kampeve të refugjatëve serbë të luftërave në Bosnje dhe Kroaci. UÇK-ja ka bere vazhdimisht thirrje për “çlirimin” e zonave të Malit të Zi, Maqedonisë dhe disa zonave ne Greqine e Veriut. E thene ne menyre modeste, Thaçi nuk është një figurë e stabilitetit rajonal.
44 vjeçari Thaçi ishte i preferuari personal i Sekretare se Shtetit Madeleine Albright gjatë viteve 1990, kur ai ishte thjesht një gangster qe sapo i kishte mbushur te tridhjetat. UÇK-ja u mbështet qe ne fillim nga CIA dhe BND gjermane. Gjatë luftës së vitit 1999 UÇK-ja u mbështet drejtpërdrejt nga NATO. Në atë kohë në mes të viteve 1990, ai u perzgjodh nga ana e SHBA-ve. Thaçi ishte themeluesi i “Grupit të Drenicës”, një organizate kriminale në Kosovë qe kishte lidhje me krimin e organizuar ne Shqiperi, Maqedoni e Itali. Një raport i klasifikuar i janarit 2007 i përgatitur për Komisionin e BE-së, me titull ”VS-Nur für den Dienstgebrauch” rrodhi në media. Ai pershkruante ne menyre te detajuar aktivitetin e organizuar kriminal të UÇK-së dhe pasardheses se saj Partisë Demokratike nen kryesine e Thaçit.
Një raport i dhjetorit 2010 i Këshillit të Evropës , qe u publikua një ditë pasi Komisioni Zgjedhor i Kosovës tha se partia e zotit Thaçit fitoi zgjedhjet e para pas pavarësisë, akuzoi fuqitë e medha perëndimore për pjesëmarrje në injorimin e aktiviteteve të rrethit të krimit të kryesuar nga Thaçi: “Thaçi dhe te gjithe anetaret e tjere te grupit te “Drenicës” janë pare vazhdimisht si “lojtarë kyç” në raportet e zbulimit rreth strukturave te ngjashme me mafian të krimit të organizuar në Kosovë ” thoshte raporti. “Ne kemi zbuluar se “Grupi i Drenices” kishte si shef te tij – ose, për të përdorur terminologjinë e rrjeteve të krimit të organizuar, “bos” te tij – veprimtarin e njohur politik … Hashim Thaçi. “
Raporti ka deklaruar se Thaçi ka ushtruar kontroll “të dhunshem” mbi tregtinë e heroinës. Dick Marty, hetuesi i Bashkimit Evropian, i paraqiti raportin diplomatëve evropiane te të gjitha shteteve anëtare. Raporti u prit vetem me heshtje. Prapa Thacit qendron Uashingtoni.
I njejti raport i Këshillit te Evropës mbi krimin e organizuar të Kosovës akuzoi organizatën mafioze te Thaçit se ka marre pjese ne tregtinë e organeve njerëzore. Njerez nga rrethi i brendshëm i Thaçit u akuzuan se pas luftës kane marrë robër përtej kufirit te Shqipërise, ku thuhet se një numër serbësh janë vrarë dhe veshkat e tyre janë shitur në tregun e zi. Në një rast të shpallur në procedurat ligjore në një gjykatë të qarkut te Prishtinës ne vitin 2008, u tha se organet janë marrë nga viktimat e varfëra në një klinikë te njohur si Medicus – qe pretendohet te kete patur lidhje me Ushtrine Çlirimtare të Kosovës (UÇK).
Lind pyetja, pse Uashingtoni, NATO, BE dhe qeveria Gjermane, jane të etur për të legjitimuar Kosovën e shkëputur? Një Kosovë e drejtuar nga brenda prej rrjeteve kriminale të organizuara është me e lehtë për tu kontrolluar nga NATO. Ajo siguron një shtet të dobët i cili është shumë më i lehtë për tu futur nën influencen e NATO-s. E kombinuar me kontrollin e NATO-s mbi Afganistanin qe eshte edhe vendi I origjines se heroines qe kalon ne Kosovë dhe qe kontrollohet nga kryeministri Thaçi, Pentagoni është duke ndërtuar një rrjet përreth Rusisë që mund te jete cdo gje, por vetem paqësor nuk eshte.
Varësia e Thaçit tek SHBA dhe zemergjeresia e NATO-s eshte nje garanci se qeveria e Thaçit do të bëjë atë që do ti kërkohet. Kjo, nga ana tjetër, i siguron Shteteve te Bashkuara te Amerikes një avantazh të madh ushtarak duke konsoliduar praninë e tyre të përhershme në ate zone jetike dhe strategjike juglindore te Evropes. Ky është një hap i madh per konsolidimin e kontrollit të NATO-s ne EuroAzi, dhe i jep SHBA një avantazh te madh nerrugën e tyre në balancen evropiane të pushtetit. Jo per tu habitur, Moska dhe shume vende te tjera nuk e kane pritur mire kete zhvillim te ngjarjeve. Thene hapur, SHBA është duke luajtur me zjarrin, por potencialisht edhe me nje luftë bërthamore në Ballkan.
Për të gjithë qe flasin se si vendet ne zhvillim te Evropes jane duke ju afruar vendeve te Evropës Perëndimore per nga zhvillimi ekonomik, ne nje kohe qe bota po vuan efektet e krizes, Prodhimi i Brendshem Bruto për frymë per vitin 2010 tregon se mbetet akoma per te bere bile ne disa raste gjërat në të vërtetë janë duke u përkeqësuar edhe me shume.
Më 13 dhjetor, Eurostat ka publikuar Prodhimin e Brendshem Bruto për frymë, i shprehur nepermjet fuqise blerese, që tregoi se vlerat per 27 shtetet anëtarë shkonin nga 44 % në 271 % të vleres mesatare per vitin 2010.
Në krye ishte Luksemburgu me më shumë se dy herë e gjysmë se vlera mesatare, ndërsa në fund, ndoshta e parashikueshme, janë dy vendet qe hyne te fundit ne Bashkimin Evropian, Rumania dhe Bullgaria, të cilët janë në vetëm 46 % dhe 44 % të vleres mesatare ne BE, ose pak a shume te njejta me ato te nje viti me pare.
Njerëzit më të pasur të shteteve të reja anëtare jetojne ne Slloveni në 85 % të mesatares së BE-së, e cila është ende nën atë të Greqisë (Komenti im: Tani besoj se Greqia duhet te kete rene poshte Sllovenise). Sllovenia është ndjekur nga Republika e Çekisë në 80%, Sllovakia në 74 % dhe Hungarisë në 65 %. Estonia ka njerëzit më të pasur ne Balltik në 64 % të mesatares së BE-së, e ndjekur nga Lituania me 57 % dhe Letonia në 51 %.
Duke pasur parasysh lajmet pozitive rreth Poloninë dhe ekonomise e saj, si i vetmi vend i BE që nuk ra në recesion pas krizës së vitit 2008 (Komenti im: Sipas Sali Berishes i vetmi vend qe nuk pesoi recesion ishte Shqiperia), Prodhimi i Brendshem Bruto për frymë polak është çuditërisht më poshtë se i Hungarisë ose në 63 % të mesatares së BE-së, por me lart se vlera e vitit 2009 e cila ishte 61 %.
Kroacia, e cila sapo është pranuar në BE dhe do të bashkohet zyrtarisht në verën e vitit 2013, është vendosur edhe në termat e Prodhimit te Brendshem Bruto për frymë, me popullsinë e saj në 61 % të mesatares së BE-së, një shifër qe pasqyron me shume nivelin e Evropës Qendrore, me e lartë se vendet Balltike, por shumë me përpara se anëtarët e tjerë nga Ballkani, Rumanisë dhe Bullgarisë.
Anëtarët e tjerë që aspirojnë per te hyre ne BE, kanë ende një rrugë të gjatë për të bere. Shifra per Turqine është më shumë se 50% më pak se mesatarja e BE, ndërsa Serbia, Bosnjë-Hercegovina dhe Maqedonia janë ndërmjet 60% dhe 70% më pak se mesatarja. Shqipëria është mbërthyer në pjesën e poshtme te tabeles me një Prodhimi te Brendshem Bruto për frymë ne vetëm 28 % te mesataresse BE-se. Moldavia, Prodhimi i Brendshem Bruto për frymë i te ciles është ndoshta edhe më i ulët se ai i Shqipërisë, nuk ishte marre parasysh ne llogaritjet.
Ndërsa Prodhimi i Brendshem Bruto për frymë është përdorur shpesh si një tregues i nivelit të jeteses, ai nuk është i vetmi tregues i tillë. Eurostat jep edhe një tregues alternativ te nivelit te jeteses, i cili eshte Konsumi Aktual Individual për fryme, i cili mendohet se eshte nje tregues me i pershtatshem për të pasqyruar me mire gjendjen ekonomike te familjeve. Nivelet e Konsumit Aktual Individual për fryme në BE varionin nga 42 % në 150 % të mesatares së BE në vitin 2010.
Me poshte po jap te perkthyer nje artikull te botuar me 6.prill tek gazeta greke ne anglisht Athens News. Komentet me shkronja te pjerreta jane te miat.
http://www.athensnews.gr/portal/1/54733#
Artur Metaj i ka fituar dhrahmite e para në vitin 1991, duke ju shitur pantallona të shkurtra ushtarëve amerikanë të vendosur në Athinë, kryeqyteti i një vendi që u ofroi shqiptarëve si Metaj shijen e tyre të parë të kapitalizmit, pas rënies të sundimit komunist te katër dekadave ne Shqiperi.
Me pas Metaj hapi një sallon flokësh, punesoi 14 njerëz ne Greqi dhe atij ju bashkuan rreth 500,000 shqiptarë, te cilet me pas filluan te dërgojnë parate e kursyera në shtëpite e tyre ne Shqiperi. Keto te ardhura perbejne një element te rendesishem per ekonomisë shqiptare.
Pas krizës se borxheve qe shpërtheu në vitin 2009, bakshishet per Metaj filluan te pakesohen, dhe klientët e tij të rregullt filluan te shenojne emrin e tyre ne liste per te marre sherbimet e tij.
Ndersa grekët përpiqen te perballojne papunësinë në rritje, shtimin e taksave dhe uljen e pagave, komuniteti i heshtur i qindra mijëra shqiptarëve – 60 % e fuqisë punëtore të emigrantëve në Greqi – është duke u menduar per të ardhmen e tij.
Shume prej tyre i pret një zgjedhje e veshtire: Kthimi në vendin e tyre te varfër qe ata dikur e lane pas per te filluar nje jete te re, apo te rrinë aty ku jane dhe të përballen perseri me jeten e emigrantit ilegal ne nje vend te goditur nga kriza, por qe eshte kthyer ne nje lloj atdheu i dyte per ta.
Kur një hajdut hyri me vare nepermjet dritares dhe vodhi dyqanin e Metaj, ai vendosi për t’u larguar. Në dhjetor ai u kthye në Shqipëri, me gruan dhe vajzën e tij te vogel, si dhe kursimet e mjaftueshme sa për të hapur një sallon mode modest në kryeqytet, Tiranë.
“Duket sikur njerezit nuk kane para fare ne Greqi”, thote ai. “Greqia ka mbetur thate”
Me mijëra shqiptarë jane kthyer ne shtepi duke kërkuar siguri prane familjes, por duke sjellë me vete fëmijët tyre te lindur dhe rritur jashtë vendit, për të cilet Shqipëria është një vend i çuditshëm (Komenti im: Jo edhe aq i cuditshem se vinin cdo vit me pushime ne Shqiperi).
Me krizën në Greqi dhe Itali (një tjetër pikë e nxehtë për emigrantët shqiptarë) qe nuk tregon asnjë shenjë permiresimi te afert, mencuria per rritjen e ekonomise se Shqipërisë qe mbeshtetet aq shumë në dërgesat e emigranteve vihet ne pikpyetje, dhe njekohesisht lind pyetja nese vala e emigrantëve që kthehen mund të jetë një ndihmë apo një barrë per te.
“Ne meshire te fatit”
“Kriza greke ka goditur më shume sektorët ekonomikë, ku emigrantët perbejne pjesen me te madhe te punetoreve” thote Anna Triandafyllidou, një zyrtare kerkimesh shkencore në Athinë e punesuar ne Eliamep nje institucion qe ka studiuar ndikimin e krizës tek emigrantët.
Sektori i ndërtimit, ku shumë shqiptarë kane punuar ne fillimet e tyre, ka skartuar pothuajse gjysmen e fuqisë punëtore të saj, ne vetëm 240.000 vitin e kaluar krahasuar med rreth 400,000 në vitin 2008.
Numri i lejeve te qëndrimit të emigrantëve ka rënë me rreth 20 % në vit që prej fillimit te krizes, vazhdon Triandafyllidou.
Emigrantët mund të humbasin statusin e tyre te emigrantit te ligjshem, nëse ata janë të papunë për periudha të gjata kohore. Shumë prej tyre janë të detyruar të pranojnë punë me pagesë të ulët ose pa përfitime sociale të sigurisë.
“Shumë mërgimtarë vuajnë tani nga ajo qe mund ta quajme ‘de-legalizim’, e cila është tragjike,” thote Triandafyllidou.
“Njerëzit të cilët kanë qenë këtu për më shumë se 10 vjet, vetëm se qëndrimi i tyre u ndërpre apo se ata nuk arrijnë të marrin lejen e tyre 10-vjeçare në kohë, janë lënë ne meshire te fatit,” thote ajo.
Të enjten, policia në Kretë njoftoi se një shqiptar 38-vjeçar vrau veten duke u hedhur nga kulmi i një ndërtese.
Motivi nuk eshte i njohur, por një zyrtar i policisë i cili deshirn të mbetet anonim, tha se babai i dy fëmijëve kishte jetuar në Greqi për 15 vjet, dhe se kohët e fundit kishte qene në kërkim te punes në Shqipëri, por pa sukses.
Kjo ndodhi një ditë pasi 77-vjeçari në pension, farmacisti Dimitris Christoulasa vrau veten në sheshin Sintagma, duke lënë edhe nje leter ku ai shkruante se preferonte me mire te vdiste sesa te bridhte kazaneve te plehrave per te kerkuar ushqim.
Me një papunësi zyrtare prej rreth 13.4 %, Shqipëria është e dobët për të absorbuar emigrantët që kthehen ne atdhe per te gjetur punë. Vendi është një nga më të varfërit të Evropës, ku efekti i krizes ne Komunitetin Evropian ndihet shume, veçanërisht kriza tek partnerët e saj kryesore ne tregeti dhe investime, Greqia dhe Italia.
Parate e derguara nga shqiptarët që punojnë jashtë vendit janepërgjysmuar që nga viti 2007, kur ato jane rreth 951 milion Euro ose 10 % e produktit të brendshëm bruto të Shqipërisë (GDP).
Kolapsi ne sektorin e ndertimit
Eshte e veshtire per te gjetur shifra të besueshme, por zyrtarët shqiptarë mendojne se rreth 15 % e emigranteve te ligjshem në Greqi , si dhe rreth 250.000 emigrantë pa dokumenta janë kthyer në Shqipëri.
Depozitat bankare në Shqipëri u rriten med 717 milion euro nga janari 2011 deri ne janar 2012. Një pjesë e madhe e parave besohet të jetë e emigrantëve qe sjellin kursimet e tyre ne shtepi.
“Ata u treguan te zgjuar – ata transferuan ne fillim depozitat, pastaj pronat e tjera, dhe tani po kthehen edhe vete për te filluar një jetë të re”, thote ish-zëvendësministri i financave Florian Mima.
Por ata po përballen me një të ardhme të pasigurt.
“Këtu marr 800 lekë te reja në ditë [Rreth 5 euro], qe eshte njelloj me ate qe paguhesha per ore ne Greqi,” thote Florenca Sulollari, që ka gjetur punë në një linjë fabrike tekstilesh në Korçë vitin e kaluar pasi humbi një punë të ngjashme në Greqi. Fatkeqesisht problemet e Greqisë e ndoqen pas edhe ketu. Industria e tekstileve qe dikur lulezoi në sajë të porosive te shumta nga Greqia, tani është duke luftuar për mbijetese.
Firmat greke përbëjnë më shumë se 40 % të investimeve të huaja në Shqipëri, por kompania Greit ku Sulollari punon e ka reduktuar fuqine e saj punëtore në 67 nga 350 në 2006 si pasoje e zvogelimit te porosive nga Greqia.
“Nën stres”, u përgjigj pronari grek e kompanisë së, Panajot Kaglatzis, kur u pyet se si ndihej. “Unë jam duke luftuar këtu, dhe nuk jam i sigurt nese do ti marr parate.”
Në piken kufitare Kristallopigi-Kapshtice në nje ditë të ngrohtë marsi, shefi i doganave Artan Zaimi thotë se 57 familje kishin lënë Greqinë nëpërmjet kesaj pike kufitare qe prej janarit, krahasuar me 170 familje në vitin 2011. “Që nga korriku 2011, shifrat janë dyfishuar,” thote ai.
Disa kane sjellë me vete furre buke apo picash, traktorë dhe mjete te tjera për të filluar biznese, thote Zaimi.
“Shumica e pajisjeve iu është dhuruar nga punëdhënësit e tyre greke,” tha ai. “Disa sjellin ne fillim biznesin e tyre, dhe me vone edhe familjen.”
“Si të huaj”
Tridhjetëetre-vjeçari Bledjan Lime i ka futur te gjitha gjërat e familjes së tij në pjesën e prapme të një furgoni të bardhë, ndersa po kthehej në Shqipëri pas 20 vitesh në Greqi. I lodhur, i djersitur dhe fjalepak, Lime tha se ai nuk e dinte nese do te gjente punë, por ka shprese për vajzën e tij katër-vjeçare, Kemili, të ciles ai dhe gruaja e tij i kane mesuar shqip, ndryshe nga shumë fëmijë te tjere shqiptarë të lindur në Greqi.
“Fëmijët gjithashtu e ndienin stresin dhe racizmin”, thote Elda Uzhuri.
Uzhuri kthye kur burri i saj nuk mund të gjente me punë ne ndertim dhe grekët filluan mos merrnin me ne pune kujdestare femijesh apo kujdestare për të moshuarit. “Atje ata ishin shqiptarë,” thote ajo per djemte e saj njeri 11vjec dhe tjetri 13-vjeçar, “këtu ata shihen si grekë. Derisa te stabilizohen, ata do të ndjehen si të huaj në të dy vendet.”
Politikanët shqiptarë jane munduar ta minimalizojne ndikimin e valës së migrantëve të kthyer në ekonominë shqiptare.
“Unë jam absolutisht i bindur se Shqipëria mund të mbajë të gjithë emigrantët nëse ata vendosin të kthehen”, thote Mima, ish-zëvendës ministër i financave i cili eshte pjese e komitetit parlamentar të ekonomisë.
“Nese kthehesh në Shqipëri me një llogari bankare të mbushur dhe me ide te mira? Vendi është i hapur per te gjithe” i tha ai Reuters. “Bujqësia eshte ne gjendje te thithe te gjithe kete fuqi punetore .” (Komenti im: Ky qenka ne ajer fare e s`di se cbehet fare ne kete bote)
Por pagat relativisht të ulëta dhe çmimet e larta do të pengojnë të tjerët, thote Fatmir Memaj, zëvendësdekan i Fakultetit Ekonomik të Tiranës që ka studiuar çështjet e emigranteve. Ai vazhdon “rënia e dergesave te parave nga emigrantet dhe tkurrja ekonomise mund të detyrojë Shqipërine të rishohë modelin e saj ekonomik i cili mbështetet tek diaspora e madhe punetore qe jeton jashtë vendit.
Duke i dhene doren e fundit sallonit te tij te ri te modes ne Tiranë, Arthuros Styling, Metaj është realist për të ardhmen. “Këtu nuk mund të fitoj aq shumë para si atje, por edhe shpenzimet jane me te vogla” thote ai. “Edhe ATJE edhe KETU, puna e vështirë nuk vleresohet. Te gjithe te thone merre ngadale-ngadale.”
Benet Koleka and Renee Maltezou
Reuters
Themi se ky post i pare i pershtatet shume mire profilit tone. Permes nje deklarate per shtyp te Aleances KuqeZi mesojme se kane kaluar mese 6 muaj nga mbyllja e censusit shqiptar qe u trumpetua me aq zhurme atehere nga qeveria ne pushtet (lexo Berisha) dhe rezultatet e tij akoma nuk jane publikuar. Aleanca KuqeZi aludon, pa treguar ndonje prove, se shifrat tashme jane derguar ne Greqi per te marre ne fillim aprovimin e grekeve dhe me pas do te publikohen ne Shqiperi. Kjo mbase eshte edhe e vertete, sidomos duke patur te fresketa ne mendje varrim/zhvarrimet e fantazmave te ushtareve greke ne jug te Shqiperise dhe per pak shitjen e vijes detare ne Sarande. Por deklaratat bombastike te Aleances KuqeZi, jane vetem deklarata pa prova. Kujdes, sidomos te rinjte qe jane te etur per drejtesi. Mos u genjeni nga emrat e bukur te partive dhe fjalet bombastike te drejtuesve te tyre. Mos harroni kush jane drejtuesit e Aleances KuqeZi. Po ju permend vetem dy: Kreshnik Spahiu ka qene Zëvendëskryetar i Këshillit të Lartë të Drejtësisë per mese 4 vjet dhe Gjergj Bojaxhi ish-drejtori i KESH dhe ish-drejtori i Inspektoriatit te Ndertimit. Te dy te zgjedhur nga klanet e PD, por qe kohet e fundit ishin menanjuar nga pazaret e pushtetit. Lexoni me shume te Gazeta Tema…
http://www.gazetatema.net/web/2012/03/30/aleanca-kuqezi-berisha-po-manipulon-shifrat-e-censusit-per-etnine-dhe-fene-ne-favor-te-athines/
